PSG fiton Superkupën e Europës

Paris Saint-Germain fitoi Superkupën e Europës pas një finaleje emocionuese me Tottenham, e vendosur pas penalltive të mërkurën në Udine.

Skuadra angleze shënoi golat në fundin e pjesës së parë dhe në fillimin e të dytës Van de Ven e kapitenin Romero.

Vendimtare ishte pritja e debutuesit Chevalier, i cili mori vendin e Donnarumma. Gjithësesi, trajneri i Paris, Luis Enrique, i dha meritat Tottenham.

“Ishte një pikë e fortë e sezonit të kaluar, besimi. Mendojmë gjithmonë që mund të fitojmë çdo ndeshje edhe kur jemi në disavantazh, por sinqerisht Tottenham e meritonte më shumë”, tha trajneri i PSG.

“Jam krenar për këta lojtarë, për klubin, për tifozët. Mendoj se djemtë dhanë gjithçka. Ata luajtën përballë një prej skuadrave më të mira në botë, ndoshta më e mira e momentit, dhe për 80 minuta ishim perfekt“, tha trajneri i Tottenham.

Paris Saint-Germain bëhet ekipi i parë francez që fiton Superkupën e Europës. Për Luis Enrique është trofeu i 17 si trajner.