“Përplasje” me presidentin De Laurentiis, Conte drejt largimit nga Napoli

Marrëdhënia mes Antonio Conte-s dhe Aurelio De Laurentiis ka arritur në pikën më kritike, duke vënë në dyshim të ardhmen e trajnerit te Napoli.

Tensionet nisën pas disa deklaratave të presidentit nga SHBA, të cilat u interpretuan nga tekniku si një mungesë respekti ndaj punës së tij.

Nga ana tjetër, as De Laurentiis nuk është i kënaqur, duke ndjerë se investimi i tij i madh nuk po shpërblehet me harmoninë e pritur.

Historia tregon se Conte nuk pranon kompromise dhe është i gatshëm të largohet nëse thyhet besimi. Klubi ka nisur të mendojë për alternativa si Italiano apo Gasperini në rast të një divorci zyrtar.

Një bisedë sqaruese pritet së shpejti, por atmosfera në klub mbetet mjaft e rënduar. Ky ngërç rrezikon të prishë të gjithë projektin sportiv të napolitanëve për sezonin e ardhshëm.