Përjashtohet rikthimi i Mottës, kandidatët për stolin e Juventusit

Juventusi njoftoi këtë të hënë të 27 tetorit, shkarkimin e trajnerit Igor Tudor, pas tetë ndeshjeve pa fitore. Humbja e fundit ndaj Lazios, ishte e treta radhazi, e cila vulosi largimin e kroatit.

Te Juventusi kanë nisur nga puna për zgjedhjen e një trajneri të ri. Qëllimi i drejtuesve është që të emërojnë një italian në stol, me Luciano Spallettin, që për momentin ndodhet në krye të listës.

Në ditët e fundit, është përfolur për një rikthim të Thiago Mottës, i cili ka kontratë me bardhezinjtë deri në vitin 2027, por për momentin nga Italia e përjashtojnë këtë mundësi.