“Paqja nuk vjen falas”, ambasada e SHBA-ve në Tiranë: Aleatët e NATO-s duhet të investojnë në sigurinë e tyre

Ambasada e Shteteve të Bashkuara në Tiranë ka përcjellë një mesazh të fortë në rrjetet sociale mbi rëndësinë e investimeve në siguri nga të gjithë vendet anëtare të NATO-s.

“Vetëm kur të gjithë Aleatët investojnë në sigurinë e tyre në nivelin e duhur, ne mund të sigurojmë vërtet paqe për të gjithë Aleancën e NATO-s. Paqja nuk vjen falas,” thuhet në postimin e Ambasadës.

Ky mesazh vjen në një moment kur NATO po nxit vendet anëtare të rrisin buxhetet e mbrojtjes, duke forcuar kapacitetet përballë sfidave të reja globale të sigurisë.