Oferte faraonike për Raphinha

Arabia Saudite trondit sërish skenën europiane. Pas dështimit për të firmosur me Vinicius, kampionati arab ka zhvendosur vëmendjen tek një tjetër futbollist që aktivizohet në La Ligën spanjolle.

Bëhet fjalë për Raphinha, për të cilin kanë një marrëveshje faraonike. Protagonist është Al Hilal. Për të mbushur boshllëkun e krijuar nga largimi i Neymar.

Al Hilal dërgoi një delegacion në Spanjë për të negociuar jo vetëm në lidhje me Raphinha-n, por edhe me futbollistë të tjerë. Në këtë sezon braziliani ka qënë i jashtëzakonshëm, duke qënë efikas për Barcelonën.  Raphinha ka shënuar 30 gola dhe 23 asistime në 49 ndeshje zyrtare.

Megjithatë, çështja është ‘paratë’ dhe ‘kontratat’. Barcelona ka nënshkruar deri në vitin 2027, teksa në gjurmët e tij gjenden edhe skuadra të Premier League, si Arsenal, Liverpool dhe Chelsea. Barcelona nuk e konsideron aspak Raphinha si prioritet për shitje.