Niko Peleshi propozohet si kryetar i Kuvendit, Taulant Balla rikthehet si kryetar i grupit të PS

Kryeministri Edi Rama ka zgjedhur deputetin e Korçës Niko Peleshi për të drejtuar Kuvendin si kryeparlamentar gjatë mandatit të ri qeverisës.

Rama u shpreh se Peleshi përbën njeriun e duhur për të drejtuar Kuvendin duke marrë “stafetën” nga Elisa Spiropali, e cila mori drejtimin e Kuvendit pas lënies së detyrës nga Lindita Nikolla në mandatin e fundit.

Sakaq, në krah të Peleshit, si nënkryetare e Kuvendit do të jetë deputetja Klodiana Spahiu, e cila sipas Ramës me eksperiencën e fituar për profesionalizmin dhe përkushtimin absolut shembullin që e ka karakterizuar është personi i duhur për detyrën.

Nderkohe Kryeministri Edi Rama ka zgjedhur deputetin Taulant Balla për të drejtuar grupin parlamentar të PS në mandatin e ri qeverisës.