Ngec rinovimi i Kenan Yildiz

Rinovimi i kontratës së Kenan Yildiz me Juventusin ka ngecur!

Pavarësisht negociatave të nisura javët e kaluara, SportMediaset raporton se për momentin bisedimet mes palëve janë pezulluar. Problem nuk ka, por thjesht dëshirë për t’i garantuar sulmuesit turk të gjitha garancitë e nevojshme për ta bërë atë gjithnjë e më të rëndësishëm në projektin e klubit.

Oferta e bardhezinjve sillet rreth 5 milionë euro, shifër që do ta bënte lojtarin turk një nga më të paguarit në ekip. Turku do të zgjasë kontratën e tij nga viti 2029 në 2030.

Pengesë e vetme shikohen ambiciet e ardhshme të klubit bardhezi, që në vitet e fundit nuk i ka përmbushur pritshmëritë.

“Zonja e Vjetër” ka ndryshuar disa herë trajnerët, diçka e pazakontë për klubin. Qëndrueshmëria në ekip do t’i lejonte Yildiz-it të vazhdonte aventurën e tij në mënyrë më të qetë, duke u përqendruar vetëm dhe ekskluzivisht në fushë. Për drejtuesit bardhezi situata është nën kontroll, por klubet e tjera kanë nisur të lëvizin!

Më i interesuari duket se është Arsenali, por edhe Chelsea dhe Liverpool e kanë vënë në shënjestër sulmuesin bardhezi. Në rast të mungesës së rinovimit, nga Premier League mund të vijë një ofertë joshëse.

Yildiz shpreson ta mbyllë çështjen e rinovimit sa më shpejt të jetë e mundur, por të ardhmes asnjëherë nuk i dihet!