Modric zgjedh Milanin, zbulohen detajet e kontratës

Pas largimit nga Real Madrid, Luka Modric do të vazhdojë karrierën në Itali. Milani ka arritur akordin me mesfushorin kroat, ndërsa mungon vetëm zyrtarizimi.

Igli Tare, drejtori i ri i kuqezinjve, udhëtoi drejt Kroacisë, për të bindur 39-vjeçarin që të transferohet në Serinë A.

Modric do të përfitojë një pagë prej 4 milionë Eurosh në sezon, ndërsa janë planifikuar edhe vizitat mjekësore.

Mesfushori do të mbërrijë javën e ardhshme në Itali, për testet mjekësore dhe firmën në kontratë.

Transferimi i Modric, vjen pas largimit të Tijjani Reijnders, me holandezin që është transferuar te Manchester City në Angli.