Mitaj: Ndaj Andorrës vetëm për 3 pikë

Mario Mitaj është një ndër lojtarët kryesorë të sukseseve të Kombëtares në vitet e fundit. Mbrojtësi i majtë kërkon që Kuqezinjtë të vijojnë me fitoret mbi të gjitha në këtë moment final të kualifikueseve të Botërorit 2026, ku këtë javë do të luhen takimet e fundit.

“Jemi këtu pas tre ndeshjeve të fituara, jemi në një moment shumë të mirë. Besoj se do të vazhdojmë në të njëjtën mënyrë.”

“Është një ndeshje që duhet ta fitojmë se s’bën, duhet të futemi vetëm për fitore. Objektivi është vetëm që të shkojmë në play-off, jemi shumë afër. Na duhen edhe këto dy ndeshje: fillimisht fitorja e parë me Andorrën dhe më pas shikojmë Anglinë.”

Shqipëria do të luajë me Andorrën të enjten në transfertë dhe me Anglinë të dielën në Tiranë