Milani nuk e bleu, Fenerbahce tenton Kyle Walker

E ardhmja e Kyle Walker, vazhdon të jetë e paqartë. Mbrojtësi i djathtë, luajti i huazuar te Milani për pjesën e dytë të sezonit, por nuk arriti të lërë shenjë.

Në këtë situatë, klubi kuqezi ka vendosur të mos e blejë kartonin e tij dhe Walker do të rikthehet te Manchester City.

Klubi turk ka bërë një ofertë konkrete për 35-vjeçarit, për t’i dhënë trajnerit Jose Mourinho një lojtar të rëndësishëm për krahun e djathtë të mbrojtjes.

Ditët e ardhshme do të jenë vendimtare, për të mësuar nëse mund të realizohet apo jo një transferim i anglezit në Turqi.