Milani mendon për sulmin, Leao mund të sakrifikohet. Dy dëshirat e Tares

Milani ka nisur të mendojë për sezonit të ardhshëm, ku rikthimi në Champions League mbetet objektivi primar. Me një distancë prej 10 pikësh nga Interi kryesues, drejtuesit kuqezi po analizojnë lëvizjet në merkato, me fokus të veçantë te sulmi.

Në qendër të diskutimeve është e ardhmja e Niclas Fullkrug. Gjermani i ardhur në janar nga West Ham ka impresionuar trajnerin Massimiliano Allegri me shpirtin e tij të garës dhe sakrificën, duke luajtur edhe kur nuk ishte në gjendjen më të mirë fizike.

Planet e drejtorit sportiv, Igli Tare, janë ambicioze. Në listë figurojnë emra si Moise Kean dhe Dusan Vlahovic, ky i fundit në skadencë kontrate në qershor.

Gjithçka do të varet nga kualifikimi në Champions, që do të diktojë buxhetin e merkatos. Ndërkohë, lëvizje priten edhe në dalje, ku e ardhmja e Nkunku mbetet në pikëpyetje, ndërsa ylli i skuadrës, Rafael Leao, mund të sakrifikohet vetëm përballë një oferte marramendëse.