Meta ‘e mbyll’ me Kosovën, vizita e fundit si President! Nuk harron të bëjë shqiponjën në Prishtinë

Presidenti shqiptar Ilir Meta është pritur me ceremoni shtetërore nga presidentja e Kosovës Vjosa Osmani në Prishtinë, në vizitën e tij të fundit zyrtare si president.

Pas himneve shtetërore, Meta gjatë kalimit para gjatë gardës ceremoniale bëri edhe simbolin e shqiponjës.

Pas takimit, dy presidentët pritet që të mbajnë konferencë për media.

Më pas, nga ora 11:05, kryetari i Kuvendit të Kosovës, Glauk Konjufca, do ta presë në takim Presidentin Meta.

Pas takimit me kryeparlamentarin, Meta do të shkojë në Parlamentin e Kosovës për t’iu adresuar deputetëve.

Meta sërish do të jetë me Osmanin për të marrë pjesë në në hapjen solemne të Manifestas në Prishtinë.

Bajram Begaj do të jetë pasuesi i Metës në postin e Presidentit.