Macron takon Trump në Uashington

Presidenti francez Emmanuel Macron do të takohet sot me homologun e tij amerikan Donald Trump në Uashington.

Macron i cili mbërriti në Uashington të dielën në mbrëmje, do të pritet nga homologu i tij në Shtëpinë e Bardhë për një takim kokë më kokë, i ndjekur nga një drekë dhe më pas një konferencë e përbashkët për shtyp.

Ai pritet të paraqesë propozimet e tij për ti bërë ballë “kërcënimin rus” në Evropë dhe për të siguruar paqen në Ukrainë.

Shefi i Elizesë shpreson të bindë Trump në përvjetorin e tretë të luftës në Ukrainë për të përfshirë liderët evropianë në bisedimet midis Rusisë dhe Shteteve të Bashkuara.

Mediat e huaja thonë se Macron synon të bindë Trump që të vazhdojë mbështetjen e SHBA për Ukrainën, duke respektuar sovranitetin e saj dhe duke siguruar që interesat evropiane të merren parasysh plotësisht.