Lojërat Olimpike nisin me… doping. Zbulohet që tani atleti i parë

Lojërat Olimpike Paris 2024 kanë regjistruar që pa filluar rastin e parë të dopingut. Agjencia Ndërkombëtare Anti-Doping, WADA, ka bërë të ditur se në analizat që janë bërë para fillimit të aktiviteteve, është identifikuar menjëherë një atlet pozitiv ndaj substancave të palejuara.

Xhudisti irakian Saxhan Sehn, 28 vjeçar, është identifikuar si personi i cili ka përdorur substanca të palejuara që para fillimit të aktivitetit.

Sehen do të ishte në garën e xhudos këtë të martë, në peshën deri në 81 kilogram për meshkuj, ku do ndeshej me një kundërshtar nga Uzbekistani.