Kualifikohen edhe 3 ekipe në Botëror

Shkon në 16 numri i përfaqësueseve të kualifikuara në Botërorin 2026, që do të mbahet në Shtetet e Bashkuara të Amerikës, Meksikë dhe Kanada. Në këtë turne, që do të transmetohet në TV Klan, do të marrin pjesë edhe Kolumbia, Paraguaji dhe Uruguaji.

Kolumbia mundi me rezultatin 3–0 Bolivinë, që gjithsesi ka ende shpresë të sigurojë një vend në Kupën e Botës me anë të play-off-it ndërkontinental.

Një tjetër skuadër e kualifikuar në Kupën e Botës ishte Uruguaji, që mundi 3–0 Perunë.

Me të njëjtin rezultat, Argjentina, kryesuese e grupit të Amerikës së Jugut, fitoi ndaj Venezuelës. Lionel Messi shënoi 2 gola.

Brazili triumfoi po me 3–0 ndaj Kilit, duke mbrojtur vendin e dytë.