Kristjan Asllani do të luajë te Torino

Përfundon një prej telenovelave të merkatos së verës, që si protagonist kishte Kristjan Asllanin. Mesfushori shqiptar zgjodhi të ardhmen e tij, duke realizuar kushtin kryesor, atë të qëndrimit në Serie A italiane.

Vullneti i lojtarit u plotësua nga Torino, me 23-vjeçarin që I ka thënë “Po” klubit legjendar dhe marrëveshja është praktikisht e mbyllur. Interi do të provojë të mbyllë sa më shpejt negociatat me klubin “granata”, për të evituar të papritura.

Problem në atë rast ishte rroga, me 300 mijë euro diferencë mes kërkesës dhe ofertës. Nga situata e krijuar përfitoi Torino, që do ta huazojë kuqeziun për 1,5 milionë euro dhe ka të drejtën e blerjes përfundimtare për 12 milionë euro.

Asllani zgjodhi projektin e Torinos, aty ku luan edhe Ardian Ismajli dhe zyrtarizimi është çështje orësh.