Joan Laporta jep dorëheqjen si president i Barcelonës

Joan Laporta ka dhënë dorëheqjen zyrtare nga posti i presidentit te Barcelona gjatë mbledhjes së bordit këtë të hënë të 9 shkurtit.

Ky vendim nuk lidhet me krizat sportive apo financiare, por është një detyrim ligjor sipas Statutit të Klubit (Neni 42.) për t’i hapur rrugë kandidimit të tij në zgjedhjet e ardhshme për president të Barcelonës, të cilat do të mbahen më 15 mars.

Bordi i mbetur me gjashtë anëtarë do të sigurojë stabilitetin operacional të klubit, ndërsa vëmendja zhvendoset te fushata elektorale ku Laporta do të përballet me rivalë si Víctor Font, Xavi Vilajoana dhe Marc Ciria.