Izraeli mbyll të gjitha ambasadat në botë, në listë bën pjesë edhe Tirana

Izraeli ka vendosur të mbyllë përkohësisht të gjitha ambasadat e tij në mbarë botën, përfshirë edhe Ambasadën izraelite në Tiranë, pas sulmeve intensive kundër Iranit.

Në një deklaratë zyrtare, ambasada izraelite njoftoi se do të ndalohen të gjitha shërbimet konsullore, pa dhënë një afat se kur do të rikthehen në funksionim.

Nga ana tjetër, kryeministri Benjamin Netanyahu bëri me dije se vendi duhet të përgatitet, pasi sulmet do të vazhdojnë për disa ditë me radhë.

Sipas Forcave të Mbrojtjes së Izraelit, Izraeli përdori 200 avionë luftarakë, duke hedhur më shumë se 330 “municione të ndryshme” dhe duke goditur më shumë se 100 objektiva në të gjithë Iranin.

Me anë të një postimi në “X”, Netanyahu njoftoi se do të zhvillojë telefonata me Donald Trump, Keir Starmer dhe Vladimir Putin.