Inter fiton derbin e Italisë

Inter ka arritur të triumfojë minimalisht në “San Siro” në Derbin e Italisë kundër Juventusit.

Zikaltërit e Simone Inzaghit kanë qenë pothuajse totalisht dominues përballë bardhezinjve, ku nuk kanë lënë aspak hapësira për ta dhe kanë sulmuar shumë portën e tyre.

Goli i ndeshjes erdhi gjatë pjesës së parë, ku në minutën e 37’ ishte autogoli i Gattit i cili zhbllokoi shifrat.

Kaq ka mjaftuar për t’i dhënë Interit tre pikët, edhe pse gjatë sfidës kanë tentuar shumë herë për të shënuar të dytin dhe të sigurisë.

Me këtë fitore, Inter tashmë renditet në krye të tabelës së Serie A me 57 pikë, ndërsa Juventus në vendin e dytë me 53 pikë.