Historia e përballjeve me Poloninë

Polonia është një nga kundërshtarët me të cilët Shqipëria është përballur më shpesh në historinë e saj. Që prej vitit 1949, të dy ekipet janë ndeshur 15 herë.

Bilanci historik flet dukshëm në favor të polakëve, të cilët kanë 10 fitore. Kuqezinjtë kanë arritur vetëm 2 fitore, ndërsa 3 takime janë mbyllur në barazim.

Polonia ka treguar formë të mirë këtë vit, me vetëm një humbje në grupin e kualifikuesve të Botërorit 2026, duke u renditur tre pikë larg Holandës kryesuese.

Edhe përballë rivalëve të mundshëm të Shqipërisë, Ukrainës dhe Suedisë, statistikat historike nuk janë shumë pozitive: ndaj Ukrainës kuqezinjtë kanë 1 fitore, 1 barazim dhe 6 humbje, ndërsa ndaj Suedisë 1 fitore, 1 barazim dhe 4 humbje.

Megjithatë, Shqipëria ka njohur përmirësim të dukshëm vitet e fundit, me pjesëmarrjen në dy finale të Europianit dhe tashmë synon të realizojë ëndrrën e saj: debutimin në Botëror.