Gjibraltari, rivali i panjohur për kuqezinjtë

Shqipëria do të përballet për herë të parë në histori me kombëtaren e Gjibraltarit, që është federata më e vogël e UEFA-s.

Në 100 ndeshje që ka luajtur në histori, Gjibraltari ka arritur që të fitojë vetëm 10 prej tyre dhe ka humbur 74. Vitin e kaluar pësoi një humbje rekord 14-0 kundër Francës.

Por pavarësisht se është një shtet i vogël dhe me futbollin në zhvillim, Gjibraltari ka një ekip si Linkoln Red në grupet e Conference Ligës.

Ndeshja mes Gjibraltarit dhe Shqipërisë do të luhet në stadiumin Europa Sports Park, me kapacitet 2,500 vende dhe me bar artificial.