FSHF-ja zyrtarizon largimin e trajnerit Tedesco

Andrea Tedesco nuk është më trajner i Kombëtares shqiptare U-17. Kjo është bërë e ditur nga Federata Shqiptare e Futbollit, nëpërmjet një komunikate zyrtare.

Tekniku italian ka përfunduar kontratën 1-vjeçare me FSHF-në dhe me marrëveshje të përbashkët, palët kanë vendosur të mos e rinovojnë më tej, duke mbyllur bashkëpunimin.

Tedesco e drejtori ekipin kuqezi në 14 ndeshje, gjashtë prej të cilave ishin miqësore. Në stolin e kuqezinjve, italiani regjistroi tetë humbje, dy barazime dhe katër fitore.