Formacioni më i mirë i javës së 14-të

Flamurtari dhe Dinamo dominojnë formacionin më të mirë të javës së 14-të.

11-shja u përzgjodh nga trajnerët e ekipeve kombëtare, të cilët rreshtuan ekipin sipas skemës 1-4-3-3.

Në të majtë të mbrojtjes u rreshtua lojtari i Elbasanit, Musta; në qendër Ferreira i Dinamos dhe Chantakias i Flamurtarit; kurse në të djathtë, Marku i Partizanit.

Mesfusha përbëhet nga Qardaku i Dinamos, Macolli i Teutës dhe lojtari i Vllaznisë, Dalipi.

Në treshen e repartit ofensiv janë Bregu i Dinamos, sulmuesi i Partizanit Contreras dhe Ramírez i Flamurtarit.

Trajneri më i mirë i javës u përzgjodh ai i Flamurtarit, Francesco Moriero. Skuadra vlonjate mundi kampionët e Egnatias në transfertë me rezultatin 1-0.

Në total, në javën e 14-të u shënuan 10 gola, ku 8 prej tyre u realizuan në derbin Dinamo-Tirana. Dy takime u mbyllën pa gola, kurse dy të tjera me fitore minimale.