Fitorja dramatike dhe përplasjet, izraelitët ankohen për lojtarët e Italisë

Italia fitoi një ndeshje të çmendur si ajo ndaj Izraelit me rezultatin 5-4, ku në fund të takimit “vërshuan” golat pa u ndalur.

Pas përfundimit të ndeshjes, situata nuk ishte aspak e qetë, ndërsa në fushë shpërtheu një përplasje mes lojtarëve, e cila u qetësua falë ndërhyrjes së stafeve teknike të dy ekipeve.

U raportuar se Donnarumma pas ndeshjes kishte tallur disa lojtarë të Izraelit, mes tyre Baribo dhe Yehezkel. Kapiteni Eli Dasa tha se Italia u duk në vështirësi dhe se pankina italiane reagoi me emocione të mëdha. Ai shtoi se Izraeli meritonte fitoren, ndërsa incidenti në fund ishte pjesë e tensionit të lojës. Lojtarët izraelitë theksuan se italianët kishin tentuar t’i provokonin, por kjo mbeti në kuadrin sportiv.

Raportimet e “Sport5” shtojnë se disa anëtarë të delegacionit italian kërkuan falje në dhomat e zhveshjes për sjelljen e disa prej lojtarëve të tyre. Ky veprim synoi të ulte tensionet pas episodit të ndodhur në fushë.