Euro U-17/ Shqipëria “harron” humbjen, nis përgatitjet për Gjermaninë

Kombëtarja shqiptare U-17 i është rikthyer përgatitjeve për ndeshjen e radhës në Grupin A të Kampionatit Europian, ku do të përballet me Gjermaninë.

Kuqezinjtë zhvilluan një seancë të lehtë në palestër dhe fizioterapi, ndërsa grupi i lojtarëve që nuk u aktivizua në sfidën ndaj Portugalisë zbriti në fushë, ku stërvitja u përqendrua te puna me topin dhe situata të ndryshme loje.

Kujtojmë se kuqezinjtë luajtën ndeshjen hapëse ndaj Portugalisë në “Arena Kombëtare”, ku u mposhtën me shifrat e thella 4-0.

Euro U-17 organizohet në Shqipëri për herë të parë në histori, ndërsa katër stadiumet ku do të luhen ndeshjet janë: “Arena Kombëtare”, “Elbasan Arena”, “Egnatia Arena” dhe “Niko Dovana”.