Edlir Tetova shpallet “Trajneri i muajit shtator”. Tekniku i Egnatias: Ia dedikoj stafit & lojtarëve

Drejtoria Teknike e FSHF ka vlerësuar teknikun e Egnatias, Edlir Tetova, si “Trajnerin e muajit shtator”, pas ecurisë fantastike të skuadrës rrogozhinase gjatë këtyre javëve.

“Mendoj që është një trofe që na jep shtysë për më shumë. Është afat shkurtër, po jam shumë i kënaqur. Është dedikim për stafin tim sepse nuk fitohet i vetëm dhe për lojtarët e mi të Egnatias, që janë më të mirët” – tha Edlir Tetova në prononcimin e tij për fshf.org.