Donnarumma drejt Manchester City për 30 milionë euro

Pasi u zyrtarizua largimi nga PSG-ja, Gianluigi Donnarumma duket se do të vazhdojë karrierën në Premier League.

Portieri italian është pranë transferimit te Manchester City. Sipas mediave britanike, marrëveshja pritet të mbyllet për 30 milionë euro.

Sa i përket lojtarit, ai ka arritur marrëveshjen me City-n dhe pret vetëm dritën jeshile, për tu nisur drejt Anglisë.

Lëvizja ka mbetur pezull për shkak të Ederson, i cili duhet të largohet për të hapur vendin për italianin. Gardiani brazilian është pranë kalimit te Galatasaray.

Me pak fjalë, transferimi i Donnarumma-s te Manchester City është vetëm çështje kohe.