Diplomohen 27 trajnerë në kursin për licencën UEFA C, mes tyre edhe Alban Hoxha

Është mbyllur me sukses edicioni i radhës i kursit UEFA C për zonën e Tiranës. Në total u diplomuan 27 kursantë, mes tyre edhe 2 vajza.

Ceremonia e diplomimit u mbajt në “Shtëpinë e Futbollit”, ku morën pjesë anëtari i Komitetit Ekzekutiv, Abdyl Kuriu, si edhe stafi i Drejtorisë së Edukimit, Sulejman Starova, Alban Tafaj dhe Erion Stavri, të cilët përgëzuan të diplomuarit dhe u uruan suksese në rrugën e tyre të mëtejshme profesionale.

Të diplomuarit me licencën UEFA C mund të ushtrojnë profesionin e trajnerit në futbollin amator, si edhe të punojnë si zëvendës-trajnerë në ekipet e moshave që marrin pjesë në garat e organizuara nga FSHF.