Dalin biletat me Letoninë

Federata nxori në shitje këtë të mërkurë biletat për sfidën kualifikuese të Botërorit 2026 me Letoninë, që do të zhvillohet më 9 shtator në Tiranë dhe që do ta ndiqni në TV Klan.

Kësaj here, tifozët do të kenë mundësi të zgjedhin edhe ndenjësen në stadiumin “Air Albania” dhe çdo veprim do të kryhet online në faqen ebileta.al. Ato kushtojnë nga 1 mijë deri në 20 mijë lekë.

Kjo përkon me 20% të kapacitetit të stadiumit, ose rreth 4.400 vende më pak.

Pas barazimit 1–1 në Riga, Kombëtarja do të kërkojë fitoren në këtë përballje që vlen shumë për kualifikimin në Botërorin 2026, një eveniment që do të transmetohet në TV Klan.

Kuqezinjtë kanë vetëm 5 pikë pas 4 ndeshjeve të para. Shqipëria, 5 ditë para përballjes me Letoninë në Tiranë, do të luajë një miqësore në fushën e Gjibraltarit.