Çështja “Lookman” kthehet në telenovelë

Ademola Lookman tek Inter është kthyer në një telenovelë të merkatos së verës. Futbollisti nigerian nuk po lejohet nga Atalanta të shkojë te zikaltërit e Milanos edhe pse oferta ka shkuar në 45 milionë euro plus 5 milionë bonuese.

Kjo shumë nuk pritet të shkojë më e lartë sipas mediave italiane me ekipin bergamask që nuk dëshiron të forcojë një kundërshtar direkt në Serie A.

“Gazzetta dello Sport” se është shtuar edhe Napoli në grupin e skuadrave që e kërkojnë 28-vjeçarin.

Sulmuesi nuk është paraqitur në grumbullimin e Atalanta, duke acaruar më tej situatën. Ai po stërvitet veçmas në Angli. Ademola Lookman është nën kontratë me Atalanta deri më 30 qershor të 2027.