Bylis dhe Tirana zotërojnë merkaton

Bylisi dhe Tirana janë ekipet që kanë ndërhyrë më shumë në skuadër, si në hyrje ashtu edhe në dalje, gjatë merkatos së dimrit.

Sipas shefit të sektorit të garave, Marjus Sulejmani, në përgjithësi është ruajtur mesatarja e viteve të fundit.

Futbollistët që janë larguar drejt kampionateve të huaja kanë qenë më të paktë, edhe për shkak të strategjisë që ndjekin klubet.

“Muaji janar nuk mund të them se ka shitje lojtarësh, pasi edhe klubet që janë jashtë nuk duan të rrezikojnë. Zakonisht lojtarët merren në korrik, gusht, në fillim të sezonit”, u shpreh ai.

Dritarja e merkatos së dimrit në Shqipëri ka një kohëzgjatje të ngjashme me shumë kampionate në Europë.