Boksieri shqiptar sfidon Anthony Joshua, Kristian Prenga përballë ish-kampionit të botës

Boksieri shqiptar Kristian Prenga do të përballet me ish-kampionin e botës në kategorinë e rëndë, Anthony Joshua, më 25 korrik në Riad të Arabisë Saudite.

Ky duel shënon rikthimin e boksierit britanik në ring pas një aksidenti rrugor të ndodhur në Nigeri gjatë muajit dhjetor.

Joshua vjen në këtë përballje pas ndeshjes së tij të fundit kundër Jake Paul, ndërsa ka konfirmuar fillimisht ndeshjen ndaj shqiptarit.

Përballja vlerësohet si një mundësi e rëndësishme për karrierën e Prengës në arenën ndërkombëtare të boksit. Organizatorët pritet të bëjnë publike detaje të tjera teknike rreth mbrëmjes sportive në javët në vijim.