Bazeli gati për Europianin e Femrave

Bazeli po përgatitet për të pritur ndeshjen hapëse të Kampionatit Evropian të Femrave midis Zvicrës organizatore dhe Norvegjisë.

Në urën e famshme “Mitlere”, ishin pikturuar topa të mëdhenj futbolli, e po ashtu në të gjithë qytetin ishin vendosur tabela, që lajmëronin eventin e rëndësishëm, që do të luhet më 2 korrik në stadiumin “Jakob Park”.

Në total do të marrin pjesë në fazën finale 16 kombëtare. Edicioni i shkuar i kampionatit europian të vajzave u mbajt në Angli në 2022 dhe u fitua nga kombëtarja angleze që mundi Gjermaninë në finale në stadiumin “Wembli”.

Eventi i fundit me rëndësi i futbollit në Zvicër u mbajt në 2008, ku bashkë me Austrinë, pritën kampionatin  europian për meshkuj.