Atalanta refuzon ofertën për Gjimshitin

Berat Gjimshiti ka pasur një ofertë nga Katari, por që është refuzuar nga Atalanta, sipas mediave pranë skuadrës bergamaske.

Më saktësisht, është ekipi i Al-Rayyan që ishte gati të paguante 12 milionë euro për qendërmbrojtësin, padyshim e shoqëruar edhe me një pagë të lartë për shqiptarin.

Berat Gjimshiti luan në Itali prej 2016, qëkur u transferua nga Zürich tek Atalanta dhe e njeh mirë futbollin italian, ku numëron më shumë se 350 ndeshje në të gjitha aktivitetet. Gjimshiti ka qenë edhe pjesë e Avellino dhe Benevento në Serie B.