Arrihet marrëveshja, Xhaka transferohet në Premier League

Granit Xhaka do të vazhdojë karrierën në Premier League. Sunderland ka arritur marrëveshjen me Bayer Leverkusen, për transferimin e mesfushorit me origjinë shqiptare.

Në arkat e klubit gjerman do të shkojnë 20 milionë euro, ndërsa Xhaka do të firmosë me anglezët një kontratë dyvjeçare, deri në vitin 2027.

Xhaka e njeh mirë kampionatin, pasi në të kaluarën ka luajtur aty me skuadrën e Arsenal, para se të transferohet te Leverkusen në vitin 2023.