Arrihet akordi, vendoset e ardhmja e Vinicius

Real Madrid ka arritur një marrëveshje paraprake me sulmuesin Vinicius Junior për rinovimin e kontratës së tij.

Sipas informacioneve të publikuara nga “Sky Sports”, palët kanë rënë dakord parimisht, ndërsa po punohet për detajet e fundit teknike.

Sulmuesi brazilian është pjesë e skuadrës spanjolle që prej vitit 2018 dhe ka fituar të gjithë trofetë e mundshëm me këtë fanellë. Pavarësisht luhatjeve në marrëdhënien me ish-trajnerin Xabi Alonso, bashkëpunimi i tij me trajnerin aktual Arbeloa vlerësohet pozitivisht.

Gjatë këtij sezoni, 25-vjeçari ka regjistruar 48 paraqitje, ku ka shënuar 18 gola dhe ka asistuar në 14 të tjerë. Ky nënshkrim i ri pritet t’u japë fund spekulimeve për një largim të mundshëm të lojtarit nga Spanja.