Raundi i shtatë, Juventusi i “dënuar” për fitore përballë Mourinhos

Të mërkurën, 21 janar, do të zhvillohen nëntë ndeshjet e fundit në Champions League, për raundin e shtatë në fazën e ligës.

Juventusi pret në shtëpi Benfican. Italianët e kanë detyrim fitoren përballë skuadrës së drejtuar nga Jose Mourinho.

Barcelona ka një transfertë delikate në Çeki, ndaj Slavia Pragë. Përballje spektakolare, pritet të jetë ajo mes Marseille dhe Liverpool, dy ekipe që janë jashtë tetë vendeve të para për momentin.

Bayern Munich nuk pritet të ketë probleme, pasi luan në shtëpi ndaj belgëve të Royale Union SG, ku gjermanët vijnë si favoritë absolutë.

Chelsea luan në shtëpi ndaj qipriotëve të Pafos, ndërsa Newcastle pret holandezët e PSV.

Duelet e tjera janë: Galatasaray-Atletico Madrid, Qarabag-Eintracht Frankfurt dhe Atalanta-Athletic Bilbao.