‘Të papranueshme’ dhe ‘të marra’, Macron i ashpër me komentet e liderëve të huaj për protestat

 Presidenti francez Emmanuel Macron i cilësoi si “të papranueshme” dhe “të marra” komentet mbi protestat dhe trazirat në Francë nga disa liderë të huaj, duke i akuzuar ata se po “bëjnë fushatë në kurrizin tonë”.

Duke folur me gazetarët nga Doha, dukshëm i irrituar, Macron tha se ishte i zhgënjyer nga “manipulimi i informacionit” rreth ngjarjeve në Francë, “që ishin të papranueshme dhe të marra nga shumë palë, përfshirë liderë të huaj.”

Presidenti amerikan Donald Trump e sugjeroi këtë hapur dhe disa liderë të BE-së thanë gjëra të ngjashme, duke e lidhur protestën me emigracionin, përfshirë Péter Magyar të Hungarisë dhe Donald Tusk të Polonisë.

Ai tha se këto komente “zbulojnë kush e do Francën dhe kush jo.”

Sipas The Guardian, Macron shtoi se do të mbajë një takim me ministrat dhe zyrtarët e inteligjencës sapo të kthehet të enjten, për të marrë një “raport të detajuar” mbi atë që ndodhi dhe përgatitjet për protestat e fundjavës.