Skeleti i nanotiranit del në ankand për 9 milionë dollarë

Një skelet dinosauri, i cili për vite me radhë besohej se i përkiste një Tyrannosaurus rex të ri, pritet të shitet në ankand për deri në 9 milionë dollarë. I pagëzuar me nofkën “Jodi”, ekzemplari i përket gjinisë Nanotyrannus, e cila u konfirmua si e veçantë nga T-Rex pas dekadash debatesh shkencore.

Sipas Sotheby’s, ekzemplari përbëhet nga rreth 191 elementë fosile kockash dhe përfshin një kafkë pothuajse të plotë, të ruajtur në gjendje të shkëlqyer. Shtëpia e ankandeve e cilëson atë si një nga vetëm tre skeletet e këtij lloji të njohura nga shkenca.

Megjithatë, studimet e mëvonshme konfirmuan se bëhej fjalë për Nanotyrannus, një dinosaur mishngrënës që jetoi rreth 67 milionë vjet më parë, në të njëjtën periudhë me Tyrannosaurus rex.