Publikohet posteri i Festivalit të 76-të të Kanës

Festivali i 76-të i Kanës zbuloi posterin e tij që shfaq ikonën e filmit francez Catherine Deneuve në një plazh në Cote d’Azur. Fotografia është bërë në vitin 1968 gjatë xhirimeve të filmit “La Chamade” të Alain Cavalier, ku aktorja luante rolin e një gruaje që jetonte një jetë luksi.

Deneuve nuk është e huaj për Festivalin e Kanës pasi ka zbukuruar për herë të fundit tapetin e kuq në vitin 2021, kur ajo performoi në dramën e kancerit të Emmanuelle Bercot “Paqësore”. Ajo ishte muzë e disa regjisorëve duke përfshirë Francois Truffaut, Jacques Demy dhe Marco Ferreri.

Në një deklaratë për shtyp, Festivali i Kanës tha se Deneuve simbolizon atë që është kinemaja: “e pakapshme, e guximshme dhe e pandershme”. Këtë vit, emra të mëdhenj si Ken Loach, Wes Anderson, Wim Wenders do të jenë ndër ata që do të konkurrojnë për Palmën e Artë, çmimi kryesor i festivalit.

Ndërkohë yjet e Hollivudit duke përfshirë Johnny Depp, Harrison Ford, Natali Portman, Julianne Moore dhe Leonardo di Caprio do të shfaqen në tapetin e kuq.