Britania, sanksione ndaj trafikantëve

Britania e Madhe bëhet vendi i parë në botë që vendos sanksione ndaj të gjithë individëve që nxisin dhe ndihmojnë migracionin e jashtëligjshëm, masa të njëjta me ato që jemi mësuar të merren ndaj personave të lidhur me sulmin rus në Ukrainë.

Duke nisur nga e mërkura, kush fut ilegalisht njerëz në territorin e Mbretërisë së Bashkuar do të përballet me masa të ashpra si ngrirje asetesh, ndalim i hyrjes në vend dhe përjashtim nga sistemi financiar britanik.

Objektivat e parë do të shpallen që të mërkurën. Vitet e fundit, Britania e Madhe është përballur me dyndje masive nga brigjet e saj jugore të emigrantëve të jashtëligjshëm, çka ka shkaktuar kaos në vend dhe reagimin e faktorëve politikë për gjetjen e mënyrave për frenimin urgjent të këtij fenomeni.