Ferran Torres në formë të shkëlqyer, kalon legjendën Johan Cruyff

Ferran Torres ka shënuar emrin e tij në historinë e Barcelonës. Pas dopietës në derbin ndaj Espanyol, sulmuesi spanjoll kaloi legjendën Johan Cruyff në listën e golashënuesve të klubit.

Me dy golat e realizuar në fitoren 4-1, ai arriti kuotën e 62 realizimeve me fanellën blaugrana, dy më shumë se shifra e arritur nga legjenda holandeze.

Kontributi i tij ishte vendimtar për ekipin e Hansi Flick, që tashmë kryeson La Ligën me nëntë pikë avantazh ndaj Real Madridit. Kjo performancë shihet edhe si një përgjigje e fortë ndaj kritikave që sulmuesi ka marrë kohët e fundit.