Barcelona bindet për Rashford, por problem bëhet United

Barcelona ka bërë hapa konkretë, për të blerë kartonin e Marcus Rashford. Sipas ekspertit të merkatos, Fabrizio Romano raporton se ka përparim në bisedimet për kushtet personale me lojtarin.

Sulmuesi 28-vjeçar, i cili iu bashkua katalanasve verën e kaluar në formë huazimi duke pranuar edhe një ulje të ndjeshme page, e ka bërë të qartë se nuk dëshiron të kthehet në “Old Trafford”, pasi ëndërron një të ardhme afatgjatë në “Camp Nou”.

Edhe pse stafi teknik i Barcelonës është i bindur nga performanca e tij, pengesa e vetme mbetet Manchester United. Klubi anglez raportohet se është treguar i prerë deri më tani, duke mos pranuar të ulë kërkesën prej 30 milionë eurosh, aq sa është edhe klauzola e blerjes e dakordësuar verën e kaluar.