Vlerësim nga UEFA, Emanuela Rusta do të drejtojë në Europë

Gjyqtarja shqiptare Emanuela Rusta do të drejtojë një tjetër ndeshje të rëndësishme ndërkombëtare, pasi është përzgjedhur nga UEFA për sfidën çerekfinale të Women’s Europa Cup, Nordsjaelland – Eintracht Frankfurt, që luhet këtë të mërkurë, në “Right to Dream Park”, në orën 18:00.

Në këtë takim, Rusta do të ndihmohet nga asistentet Mirjeta Salla dhe Sandra Nigulis, ndërsa arbitër i katërt do të jetë Florian Lata.

Arbitrja shqiptare vijon të jetë pjesë e listës elitare të gjyqtarëve të UEFA, duke përfaqësuar me sukses arbitrimin shqiptar në ndeshje me nivel të lartë konkurrimi.