Gary Lineker di si të fitojë! Arkëton 16 milionë euro nga Netflix

Gary Lineker vazhdon të dallohet edhe pas tërheqjes nga futbolli. Ish-sulmuesi anglez ka shitur podcastin e tij “The Rest Is Football”, te platforma Netflix për 16 milionë euro, ku diskuton për futbollin me Alan Shearer dhe Micah Richards.

Programi do të transmetohet çdo ditë gjatë Botërorit 2026. Më herët, Lineker ishte për vite me radhë figurë kryesore e BBC-së në emisionin “Match of the Day”.

Në karrierën sportive, ai realizoi 329 gola në 541 ndeshje me klube si Leicester, Everton, Barcelona dhe Tottenham.

Me kombëtaren angleze shënoi 48 gola dhe ishte golashënuesi më i mirë i Botërorit 1986. Lineker njihet edhe për korrektësinë sportive, pasi nuk u ndëshkua asnjëherë me karton gjatë karrierës.

Pas tërheqjes nga futbolli, ai u orientua drejt medias dhe ndërtimit të një profili publik të qëndrueshëm. Aktualisht, Lineker mbetet një nga figurat më të ndjekura dhe më me ndikim në komunikimin sportiv ndërkombëtar.