Presidenti i FFK takoi presidentin Infantino në Doha, merr pjesë në mbledhjen e Komitetit për Marrëdhënie Institucionale të FIFA-s

Presidenti i Federatës së Futbollit të Kosovës,Agim Ademi, po qëndron në Doha të Katarit, ku po merr pjesë në një sërë aktivitetesh të rëndësishme të organizuara nga FIFA.

Po ashtu, në Doha u mbajt mbledhja e parë inauguruese e Komitetit për Marrëdhënie Institucionale të FIFA-s, ku presidenti Ademi mori pjesë si anëtar i këtij organi të rëndësishëm me mandat katërvjeçar. Angazhimi i tij në këtë komitet përbën një vlerësim të rëndësishëm për Kosovën dhe futbollin e saj, duke forcuar më tej praninë dhe zërin e FFK-së në mekanizmat vendimmarrës ndërkombëtarë.