Asani rikthehet te goli, shënon në barazimin e Esteghlal

Jasir Asani ishte protagonist në barazimin 1-1 mes Esteghlal dhe Kheybar Khorramabad, në ndeshjen e javës së 14-të të kampionatit iranian.

Sulmuesi i Kombëtares shqiptare shënoi golin e avantazhit për ekipin e tij në minutën e 8-të. Asani realizoi nga pika e penalltisë, duke zhbllokuar sfidën që në fillim.

Asani po kalon një periudhë pozitive në Iran pas transferimit nga Gwangju. Esteghlal e bleu kartonin e tij për rreth 1 milion euro nga klubi korean.