Bajrami dhe Gjimshiti rigjejnë golin

Nedim Bajrami është rikthyer te goli në kampionatin skocez. Mesfushori i Kombëtares shqiptare u tregua i saktë nga penalltia në minutën e fundit të sfidës kundër Dandi Junajtid, për të barazuar shifrat në 2-2.

Ky ishte goli i tij i parë dhe ndeshja e parë që luajti 90 minuta që nga 16 gushti, pasi nuk ishte në planet e trajnerit të Rejnxhersit. Megjithatë, ai është shndërruar në njeriun kyç të ditëve të fundit.

Edhe kapiteni i Kombëtares shqiptare, Berat Gjimshiti, ka gjetur rrugën e rrjetës në Kupën e Italisë me skuadrën e Atalantës. Mbrojtësi goditi mjaft mirë me kokë brenda zonës për të zhbllokuar sfidën kundër Xhenoas.

Gjimshiti luajti vetëm 60 minuta, ndërsa bergamaskët fituan 4-0, duke siguruar biletën për në çerekfinalet e këtij kompeticioni.