Kaosi në Ajax-Groningen, arsyeja përse tifozët i vunë “flakën” stadiumit

Ndeshja e javës së 14-të në Eredivisie, mes Ajax dhe Groningen, u shty për shkak të kaosit të krijuar nga tifozët vendas.

Në minutat e para, fusha u pushtua nga tymi pas spektaklit të flakadanëve, duke bërë që arbitri të dërgonte ekipet në dhomat e zhveshjes. Pas rreth 40 minutash, kur ndeshja ishte gati të riniste nga minuta e 7-të, skena u përsërit me ndezjen e një numri të madh flakadanësh.

Në njoftimin zyrtar, Ajax e cilësoi situatën të papranueshme dhe theksoi se siguria e lojtarëve dhe tifozëve u vu në rrezik. Klubi njoftoi gjithashtu se do të analizojë pamjet filmike dhe do të marrë masa ndaj personave përgjegjës.