Te Burnley ka optimizëm për Brojën

Burnley do të presë Chelsea-n në “Turf Moor” mesditën e së shtunës.

Një sfidë me rëndësi edhe për sulmuesin kuqezi Armando Broja, që dëshiron të jetë në fushë ndaj ish-ekipit të tij.

“Shpresoj që Armando të jetë i disponueshëm për fundjavë. Çdo gjë që na është kthyer duket mirë! Ai ishte në fushë duke u stërvitur, do ta mbajmë në vëzhgim. Por në këtë moment duket mirë! Jam i kënaqur që nuk është një dëmtim që lë pasoja, sepse ai është një lojtar i nivelit të lartë!”

Tekniku shtoi se skuadra duhet të përmirësohet në detaje, por ka pasur rritje në grup.

“Jemi në një pozicion të mirë me një ekip që po zhvillohet, por kemi gjëra për të punuar!”

Burnley është në vend të 17-të me 10 pikë pas 11 takimesh, kurse Chelsea ka 20 pikë dhe pozicionohet në vend të tretë.